Ársskýrsla GróLindar 2021
21.02.2021. Starfsfólk GróLindar hefur ritað ársskýrslu fyrir árið 2021, þar sem farið er yfir það sem var gert á árinu og hvað árið 2022 ber í skauti sér. Hana má lesa hér.
Sumarið 2021 var lagður út 171 vöktunarreitur víðsvegar um landið, en stefnt er að því að setja upp rösklega 1000 vöktunarreiti á næstu árum. Aðferðir þar sem landnotendur og aðrir geta tekið þátt í vöktun á sínum löndum með hjálp snjallforrits í síma voru prófaðir á árinu. Árið 2022 er gert ráð fyrir að hefja þá vöktun formlega. Í framtíðinni mun ástandsmat GróLindar byggja á samþættingu ofangreindra mælinga og fjarkönnunar.
Unnið var að því á árinu að safna upplýsingum til að bæta kortlagningu beitarlanda, en sú kortlagning verður uppfærð árið 2022. Sumarið 2021 héldu rannsóknir á atferli sauðfjár í sumarhögum áfram. Ljóst er að mjög miklar upplýsingar liggja nú þegar í þeim gögnum sem hafa safnast og munu þau m.a. gefa okkur innsýn í hvernig sauðfé nýtir beitarlönd sín og hvernig nýtingin breytist m.a. eftir ástandi og veðurfari.
Mikil áhersla er lögð á að vinna verkefnið í góðu samstarfi við landnotendur, vísindasamfélagið og opinberar stofnanir. Á árinu hefur verkefnið verið kynnt með fyrirlestrum, í fjölmiðlum og á fundum.
![Ársskýrsla 2021](https://grolind.is/wp-content/uploads/2021/12/arskyrsla2021.png)
![landgraedslan_logo-07](https://grolind.is/wp-content/uploads/2020/06/landgraedslan_logo-07-150x150.png)
![Atvinnuvega_logo](https://grolind.is/wp-content/uploads/2020/06/Atvinnuvega_logo.png)
![BI-logo](https://grolind.is/wp-content/uploads/2020/06/BI-logo-150x150.jpg)
![LS_logo](https://grolind.is/wp-content/uploads/2020/06/LS_logo.jpg)
Recent Comments